Elín Guðfinna Thorarensen

BÚIð

2003-11-29T18:33:00.000Z

Jæja þá er þetta í síðasta sinn sem ég Blogga á þessu námskeiði. Ég vil þakka mínum samnemendum það var gaman að lesa og spjalla sérstaklega á spjallinu. Gangi ykkur allt í haginn núna í desember. Þetta hefur fyrir mig verið alveg sérlega erfitt haust og ætlaði ég á tímabili að hætta en ég er svo heppin að vera í góðum hóp í öðrum fögum og þaðan fékk ég mína andlegu næringu svo ég held ótrauð áfram. Og senn koma jólin.

HUGSANIR

2003-11-21T10:44:00.000Z

"Allt tekur þetta endi" stendur eitthversstaðar skrifað. Og mér finnst eins og það hafi verið í gær sem ég var í staðarlotunni í ágúst. En nú er kominn 21 nóvember og vika eftir í desember. Það er ótrúlegt hvað tíminn er fljótur að líða og vonandi verða allir jafn glaðir yfir hvíldinni um jólin og ég.
Jólalögin óma í útvarpinu og á 91,9 eru bara jólalög. En ekki er nú veðrið jólalegt.

STÆRÐFRÆÐI

2003-11-12T08:53:00.000Z

Hún er alveg með ólíkindum þessi umræða um stærðfræðina. Hvar sem ég kem í dag þá er maður spurður um álit vegna þess að ég er að kenna þetta námsefni. Ef ég væri foreldri þá skildi ég kannski reiðina þegar kennarar tala svona um námsefnið. EN 'ABYRGÐ KENNARA er gífurleg varðandi það hvernig þeir bera á borð álit sitt á námsefninu. Hvað eiga for. að halda? En hafa ber í huga að það er ekki búið að prufukeyra þetta námsefni svo bíðum við og sjáum hvað setur.

VATNASKÓGUR

2003-11-09T14:23:00.000Z

Í síðustu viku fór ég með nemendur úr mínum skóla í Vatnaskóg á vegum skólans og kirkjunnar. Þar eru tveir dagar notaðir sem skemmtidagar á vegum Vatnaskógar og skólanna, svo tekur kirkjan við og er með fermingarfræðslu. Mér finnst þetta afar skemmtileg ferð fór líka í fyrra með 8 bekk. Mér finnst að sem kennari þessa hóps að þá kynnist maður nemendum sínum betur og náið í öðru umhverfi en skólasamfélaginu. Þau eru að því að mér finnst allt öðru vísi en þegar þau eru í skólanum, mikið prúðari og bara eðlileg og eins og manni finnst að þau ættu að vera. Auðvitað er alltaf einhverjir innan um sem fara ekki eftir reglunum en það gerist líka í hópi hinna fullorðinna. ég vona að aðrir kennarar hafi jafn gaman af þessari ferð eins og mér.

VANTRAUST

2003-10-29T08:22:00.000Z

Ég hef oft velt fyrir mér siðferði í íslenskri pólitík. Þegar ég las fréttablaðið í morgun þar sem er verið að ræða um borgarstjórann og það sem hann á að hafa brotið af sér í fyrra starfi. Getum við treyst fólki sem við teljum að sé ekki með sterka siðferðisvitund? Þetta með verðsamráð hjá mörgum af stærri fyrirtækjum landsins svo sem hjá olíuinnflutningsfyrirtækjum hefur þorri landsmanna vitað. Þetta geta þeir í ljósi einokunar sinnar. Þeir sem telja það tilviljun að bensinið kostar það sama hjá öllum hvar eru þeir með sína hugsun? Ég tel að borgarstjóri hafi vitað þetta alveg eins og ég, ef ekki þá tel ég hann ekki traustsins verður.

ALLT LEGIÐ NIÐRI

2003-10-23T12:29:00.000Z

Hjá mér hefur allt mitt líf legið niðri (svo ég noti nú tölvumállýsku) vegna veikinda á sjálfri mér. Þetta er í fyrsta skipti sem ég fæ eitthvað sem heitir pest um ævina því ég hef haft því láni að fagna að vera mjög heilsuhraust. En nú verður maður að bretta upp ermar og vera duglegur. Spjallið hjá okkur í upplýsingatækninni finnst mér mjög skemmtilegt og gaman að geta haft skoðanaskipti við samnemendur sína þar. Umræðuefnin eru líka þess eðlis að þau hafa höfðað til okkar kennaranema. Takk fyrir Salvör þetta er skemmtileg leið til að hafa samskipti við félaga sína, sérstaklega þegar maður er í fjarnámi.

Allt á góðu róli

2003-10-15T12:13:00.000Z

Jæja þá er bara að halda áfram og þá er það glæruverkefnið næst. Það sem mér finnst oft erfiðast er að ákveða mig hvað það er sem ætla að fjalla um. Fyrst í stað eins og áður hefur komið fram ætla ég mér að byggja kastala en þegar ég sé að venjulegt hús dugir alveg þá er að koma sér að verki og byrja bara. Efnið sem ég hafði hugsað mér í glæruverkefnið er tengt þróunarvinnu sem er í skólanum sem ég kenni í. Ég er reyndar bara að byrja þetta þróunarstarf en ég geri hvað ég get varðandi glæruverkefnið.

Annað en áætlað var

2003-10-14T20:00:00.000Z

Þá er vefleiðangurinn kominn að mestu inn á skilasíðuna mína. En ekki var hann nú um það efni sem ég ætlaði mér í fyrstu. Alltaf skal ég þurfa að velja eitthvað sem er frekar mikil vinna í eða það á að vera svo flott að það er frekar erfitt uppsetningar. En það sem ég ætlaði mér í fyrstu var svo teigjanlegt svo að ég valdi vefleiðangur um ís og ef þið viljið vita allt um ís þá gjörið þið svo vel.

Blogg og Spjall.

2003-10-13T09:39:00.000Z

Núna er maður svolítið áttavilltur þegar bæði bloggið og spjallið er komið inn. Ennþá er bloggið mikið auðveldara, en á spjallinu fer fram mikil og skemmtileg umræða um allskyns málefni.

Vefleiðangur sem vefst hefur fyrir skapara sínum.

2003-10-08T08:30:00.000Z

Ekki hef ég nú verið dugleg að blogga undanfarið og eru ýmsar ástæður fyrir því. En vefleiðangurinn minn verður vonandi að veruleika í þessari viku. Hann á að vera um höfuðborgir í Evrópu og tilheyrir þar af leiðandi landafræði. Nemendur eiga að kynna sér höfuðborgir og sögu þeirra og merka staði. Þetta er fyrir 7-10 bekk og þarna eiga þau að geta kynnt sér það sem þau vildu helst gera ef þau færu til viðkomandi höfuðborgar. Mér fannst gaman af því að í fréttum á stöð tvö í gær þá var spurt um hvaða rvær borgir hefðu verið sameinaðar í eina borg og er sú borg höfuðborg síns lands í dag en það voru Buda og Pest sem voru sameinaðar í Budapest.

2003-10-01T11:08:00.000Z

Mér fannst að það væri kominn fimmtudagur því að hagkaups bæklingurinn kemur yfirleitt á fimmtudögum en hann var kominn í dag. En nýr mánuður byrjaði í dag og vonandi verður hann eins ljúfur og september allavega veðurfarslega séð. Fyrsti vetrardagur er í þessum mánuði nánar tiltekið 25 oktober.

LOKSINS

2003-10-01T10:36:00.000Z

Loksins þá reddaðist þetta með letrið á tæknisögunni en samt kom toyota ekki rétt inn ennnnnnnnnn ég snerti ekki við þessari tæknisögu meir því það getur allt ruglast aftur.

NÚ ER ÉG HÆTT

2003-10-01T09:15:00.000Z

Nú nenni ég þessu ekki lengur ég er búinn að reyna að laga tæknisöguna mína 4 sinnum og ekkert gengur og núna síðast þá kom sumt ruglað og annað í lagi þannig að ég segi bara PASS.

Ótrúlegt

2003-09-30T11:23:00.000Z

Það er alveg með ólíkindum að þessir blessuðu stafir skulu fara svona, ég sem var búin að skrifa svo skemmtilega tæknisögu. Og ég er búinn að reyna tvisvar að laga þetta en ekkert tekst. En mér var sagt að copy áður en ég sendi þetta svo að þetta þurrkist ekki út og ég prófa það nú.

TÃ¦knisaga

2003-09-28T15:10:00.000Z

Þegar mér dettur í hug ég sjálf og tæknin þá hef ég oft sagt söguna af því þegar síminn kom fyrst inn á heimili foreldra minna. Maður tók bara upp eitthvað tól og talaði í það og einhver svaraði á móti. Rosalega flott. Ég vildi náttúrulega vera eins og fullorðna fólkið og eiga svona tæki. Ég var 5 ára og systir mín 3 ára og við deildum saman herbergi svo mér fannst tilvalið að teikna svona tæki á vegginn fyrir ofan rúmin okkar og þá gætum við talað saman þegar við færum að sofa. Ég man enn í dag hvað móðir mín var reið þegar hún sá þetta krot á veggnum sem dóttir hennar tengdi við tæknivæðingu og ég var sár yfir því að hún skildi ekki hvað mig langaði að eiga svona undratæki sem hægt væri að tala í. Ég man líka þegar sjÃƒÂ³nvarpiÃƒÂ° kom til sögunnar og þegar maður segir krökkum frá því að einu sinni var ekkert sjónvarp á fimmtudögum þá finnst þeim örugglega að maður sé aldargamall. En tækninni hefur fleigt mikið fram síðan ég var krakki, Ég var t.d. í sveit þar sem ekkert rafmagn var. En tövur voru reyndar ekkert nýnæmi í minni fjölskyldu þegar þær tóku að riðja sér til rúms því að faðir minn vann við fjarskiptir tengdar flugi í Gufunesi og þangað fórum við krakkarnir oft í heimsókn til hans og ég man t.d. eftir því hvað mér fannst flott að lesa Reuter fréttir sem bárust á sendi í Gufunes áður en þær komu í blöðin. Tövurnar þar og fjarskiptabúnaðurinn var fyrir mér og mínum vinum mikill töfraheimur. Nú en þegar ég var í námi í Fósturskólanum 1990 þá var ég alltaf að barma mér yfir því að eiga ekki tövu og það endaði með því að faðir minn kom færandi hendi með tölvu til mín. EN þá vandaðist málið því þótt ég hafi lært vélritun á sínum tíma þá var ég nú ekki sú fingrafimasta og því síður mikil tæknimanneskja og þess vegna lét ég systur mína sjá um þann þátt náms míns sem hét tæknivinna. Þegar fram liðu stundir þá tók eldri dóttir mín sem er líka nemi við KHÍ við tölvumálum á heimilinu. En ég fór nú eina önn í Fjölbr. Breiðholti til þess að læra nú eitthvað en ég segi nú satt að ég er ekki enn neinn sérstakur tölvuguru. Tövan á mínu heimili er nú satt best að segja mest notuð í mínu fjarnámi og í námi yngri dóttur minnar sem er í Háskóla Íslands en jú ég nota hana líka í sambandi við mína vinnu og svo á ég vini og bróður erlendis sem ég sendi tölvupóst. Ég er í stjórn hjá alþjóðlegum sumarbúðum barna sem heita C I S V og þar fara öll samskipti fram í tölvutæku formi. En ég er ekki kominn með sítengingu en það verður á allra næstu dögum. Maður verður ruglaður á öllum þessu tilboðum sem símafyrirtækin eru að bjóða manni og þá er nú eins gott að þekkja eitthvern sem kann á þennan frumskóg. Dóttir mín er að fá sér fartölvu svo ég vil gjarnan fá mér þráðlausa nettengingu. Gsm síma gáfu dætur mínar mér fyrir nokkrum árum og þá gat ég eingöngu hringt og svarað en í dag kann ég að nota símann minn á hinn ýmsan máta. Ég geri nú grín að tækninni í dag og segi að ég eigi hulstur utan um símann minn sem kostaði 1 og 1/2 millj. en það er bíllinn minn sem er Yaris með mobile og mér finnst sú tækni alveg meiriháttar.ÃƒÆ’Ã¢â‚¬Ég myndi gjarnan vilja eiga stafræna myndavél en það er framtíðaráætlun. Á mínu heimili hefur lítið verið verslað í gegn um tölvuna nema þá flugfarseðlar og hótelpantanir.

ENDILEGA AÐ LESA

2003-09-28T13:59:00.000Z

ég var að lesa alveg frábært blogg sem að vinkona dóttur minnar bloggar. Þar er hún að lýsa því þegar hún sem býr á nýju stúdentagörðunum fékk fyrirmennina í borgarstjórn í heimsókn þar lagaði sjálfur borgarstjórinn hjá henni kranavaskinn endilega lesið um þessa heimsókn.

2003-09-25T08:45:00.000Z

Ekki gekk nú allt að óskum hjá mér í gær en nýr dagur lofar alltaf góðu og alltaf hægt að bæta við. Mér fannst reyndar ekki vera tímabært að sjá Esjuna grána og frostið koma svona fljótt. Í morgun þurftu margir að skafa af bílunum sínum en það vantar ekki að veðrið er afar fallegt þessa dagana þó svo kalt sé. Vonandi fer fólk varlega því ekki finnst mér gaman að heyra fréttir af slysum eins og í gær.

2003-09-24T10:29:00.000Z

jæja kannski að ég skrifi eitthvað á bloggið núna sem að tekst. Eitthverra hluta vegna þá tekst mér ekki að tengja síður á bloggið. Af hverju það er get ég ekki fundið út því mér finnst að ég sé að gera það sem ég hef alltaf gert. En ég ætla að prufa heima í kvöld en þar hefur tölvan mín ekki verið í sambandi síðan fyrir helgi vegna þess að þegar ég fór í sveitina þá fór ofninn í tölvuherberginu að leka. Og við vissum ekkert um það fyrr en við komum heim. ALLT Á FLOTI og við þurftum að láta teppið þorna og taka allt út úr herberginu. En alltaf er nú gamli góði Pollýönnu leikurinn í gildi og eitthvernveginn hlýtur þetta að reddast.

Nú er ég hætt

2003-09-23T12:03:00.000Z

aftur kom þetta með þessu afkáralega tungumáli og ég bara skil þetta ekki.

blogg og bull

2003-09-23T10:43:00.000Z

Yngri dóttir mín sagði mér að ég væri með allt of stutt og leiðinlegt blogg. Hún sagði að maður ætti að ýkja dálítið á blogginu það væri lang skemmtilegast að lesa þannig blogg. Nú ég veit ekki kannski er maður svona jarðbundinn að maður á ekki eins gott með að búa til frásagnir á bloggið eins og þeir sem yngri eru. En allavega þá var ég að lesa Fréttablaðið í morgun og þar las ég athyglisverða grein um íslenska tónlistarsíðu sem er verið að opna í New York. Mér tekst ekki að tengja hana á bloggið en endilega lesið þessa grein í Fréttablaðinu á bls.16 í dag þriðjudag 23 sept.

Aftur rugl.

2003-09-22T12:12:00.000Z

Hér var ég búinn að skrifa og einu sinni enn kom allt með þessu rugli sem íslensku stafirnir gera. Svo nú er ég að prófa aftur.

Ósköp lítið.

2003-09-19T09:09:00.000Z

Ekki hef ég verið dugleg að blogga þessa vikuna. Stundum þá veit maður ekkert hvað rita skal í bloggið en mér sýnist að margir skrifi það sem gerist í þeirra daglega lífi þ.e. dagbók. En stundum finnst manni að það sé nú lítið að gerast svo ekki sé hægt að skrifa það á bloggið. Þessar vangaveltur mínar læt ég nægja í bili. Ég ætla að fara með hópi af fólki í sumarbústað í dag og kíkja við á svo sem einu réttarballi.

Verkefni í powerpoint

2003-09-16T12:08:00.000Z

Eg er búin að velta heilmikið fyrir mér hvað ég ætti að taka fyrir í þessu verkefni og loksins er ég komin að niðurstöðu. Ég ætla að taka þátt í þróunarverkefni um
einstaklingsnámsskrár í vetur sem tengist kennslu og því sem ég er að gera varðandi námsverið sem ég er með umsjón yfir. Ég ætla að nota þá vinnu í powerpoint verkefnið þá er ég að slá tvær flugur í einu höggi. Ég vona Salvör að þetta sé nóg um það í bili.

Vefrallý

2003-09-14T13:59:00.000Z

Hér er komið verkefnið mitt um vefrallý... Ég ákvað að velja KHÍ sem verkefnasíðu fyrir verkefnið mitt. Þetta er sniðugt fyrir nemendur í 10. bekk sérstaklega þegar þeir eru að reyna að skoða hvaða námsmöguleikar eru í boði eftir framhaldsskóla.

Spurnigar fyrir vefrallýið. Klikkið hér til að fara á verkefnasíðuna.

1. Hvar er Kennaraháskóli Íslands (KHÍ) ?
2. Hvar er listgreinahús Kennaraháskóla Íslands?
3. Hvað heitir skólastjóri KHÍ?
4. Hvaða inntökureglur gilda í KHÍ?
5. Hvað eru margar deildir í KHÍ?
6. Hvað eru margar námsbrautir í KHÍ?
7. Hvaða hlutverki gegnir listasmiðja KHÍ?
8. Hvað er netla?
9. Hvaða gráða er B.Ed. gráða?
10. Hvað er Webct og til hvers er það notað?
11. Hvaða kennari í KHÍ netfangið gudkrist@khi.is og með hvaða menntun er hann?
12. Hvenær var félag stúdenta við KHÍ formlega stofnað?
13. Hvernig rannsóknir eru stundaðar við KHÍ?

Námið

2003-09-11T20:16:00.000Z

Jæja þá er önnur vikan enn á enda og mikið að gera. Í mér hefur verið hálfgerður uppgjafatónn undanfarið en þetta hlýtur að blessast allt saman. Stærðfræðin er það sem mér finnst erfiðast og ef ég stenst hana á prófi verða mikil gleði jól hjá mér. Mér finnst mikið meiri vinna á mér núna miðað við í fyrra haust einingarna eru jafn margar en vinnan á bak við þær helmingi meiri.

Mánudagur.

2003-09-08T08:39:00.000Z

Alltaf finnst mér mánudagar góðir dagar. Kannski vegna þess að sunnudagar eru frekar leiðinlegir að mínu mati. Það er alltaf gott að mæta til vinnu á mánudögum. Ég veit að það eru ekki allir sammála mér en ég hef verið svo lánssöm í lífinu að vinna við starf sem ég hlakka til að takast á við á hverjum degi. Það er ekki gefið að allir séu svo lánssamir. Mannleg samskipti eru mikil á minni vinnu og ég hef líka mikinn áhuga á öllu sem varða mannleg samskipti.

Vikan á enda

2003-09-05T10:24:00.000Z

Ekki er maður ósáttur við að vikan sé á enda NEMA þegar maður er í hundrað prósent kennslu og aukavinnu fyrir utan það þá vill nú minni tími vera fyrir námið. Alveg væri ég sátt við að vikan væri lengri þessa dagana þegar allt er að fara í gang í einu eftir ljúft sumarfrí. En allt hefst þetta nú eitthvern veginn og Pollýönnu leikurinn er í fullu gildi hjá mér þessa dagana. Helgi fer í næturvaktir og lærdóm.

langur dagur

2003-09-02T18:54:00.000Z

Þriðjudagar eru langir dagar í mínum skóla og í dag voru kennarar og starfsfólk á svokölluðu sos námskeiði en það fjallar um hvernig við getum aðstoðað nemendur í að aðlaga sig námsumhverfinu sem eiga erfitt með það. Þetta er verulega áhugavet námskeið.

Dagurinn í dag

2003-09-01T16:43:00.000Z

Alveg með ólíkindum hvað ég ætla að vera óheppin með þessi fyrstu verkefni mín. Eins og sjá má þá virðist ég ekki geta tekið þetta "tungumál" út af blogginu um vefi fyrir kennara en ég er búinn að reyna að slá textanum inn aftur og ekkert gengur en ég er reyndar ekkert í uppgjöf því mér finnst þetta skemmtilegt. Spurningin er bara hvað gerir maður ef þetta gerist ítrekað. Það er hvimleitt þegar svona lagað er alltaf að gerast.

Tölvuleikir á Netinu.

2003-09-01T16:34:00.000Z

Leikir á netinu eru sjálfsagt afar margir. En fyrir manneskju eins og mig sem ekki þekki til þessara hluta þá spurðist ég fyrir hjá nemendum í mínum skóla um leikjavefi og þau gáfu mér upp m.a. leikur.is. Það er vefur sem mér fannst mjög skemmrilegur og mæli ég eindregið með honum. Aðrir leikir sem ég skoðaði er cartoonnetwork.com en mér fannst hann ekki eins skemmtilegur vefur kannski vegna þess að ég gaf honum ekki mikinn tíma en ég held að ef maður hefur áhuga á tölvuleikjum þá finnur maður alltaf eitthvað skemmtilegt við hvern vef.

Vefir fyrir kennara

2003-09-01T14:40:00.000Z

Ã‰g skoÃ°aÃ°i utn.is sem er vefur meira fyrir framhaldsskÃ³la en GrunnskÃ³la. Reyndar eru margir nemendur Ã¡ grunnskÃ³lastigi sem eru komnir Ã¾aÃ° langt Ã tÃ¶vum aÃ° Ã¾eir eiga fullt erindi Ã¡ Ã¾essa vefi. Utn.is er aÃ° mÃnu mati afar aÃ°gengilegur vefur og skÃ½r, auÃ°velt aÃ° fara eftir fyrirmÃ¦lum. LetriÃ° er stÃ³rt og lÃ¦silegt og bakgrunnur ekki of dÃ¶kkur. Kennari.is er lÃÂka vefur sem mÃ©r lÃ½st vel Ã¡ og er mjÃ¶g aÃ°gengilegur. Fyrir mÃ©r sem er nÃ½grÃ¦Ã°ingur Ã¾Ã¡ finnst mÃ©r aÃ°gengi og letur og hvernig mÃ¡llÃ½skan er skipta hÃ¶fuÃ°mÃ¡li. Kennari.is fellur alveg undir mÃna skilgreiningu Ã¡ gÃ³Ã°um vef. Menntagatt.is er Ã fljÃ³tu bragÃ°i svolÃtiÃ° yfirgripsmikill og sem byrjandi Ã¾Ã¡ gÃ¦ti maÃ°ur hugsaÃ° "Ã©g nenni ekki inn Ã¡ Ã¾ennan vef". En Ã¾egar betur er aÃ° gÃ¡Ã° er hann um margt frÃ³Ã°legur. Skolavefurinn.is er aÃ° Ã©g held sÃ¡ vefur sem flestir grunnskÃ³lakennarar Ã¾ekkja og hann er mjÃ¶g gÃ³Ã°ur. Annars finnst mÃ©r nauÃ°synlegt aÃ° Ã¾eir sem sjÃ¡ um tÃ¶lvur og upplÃ½singatÃ¦kni Ã skÃ³lum og reyndar lÃka kennarar viÃ°komandi skÃ³la safni saman gÃ³Ã°um og frÃ¦Ã°ilegum vefum Ã banka Ã¡ sameign Ã¾ess skÃ³la.

Erfiðleikar.

2003-08-31T22:45:00.000Z

Eitthvað ætlar þetta að ganga illa hjá mér að komast af stað, en eitthversstaðar stendur fall er farar heill. En það sem ég setti inn í gær er allt í rugli eins og sjá má á letrinu því íslensku stafirnir eru eitthvað að stríða mér og ég reyni og reyni að leiðrétta en ekkert gengur svo að ég verð að byrja og prófa betur á morgun og sjá hvernig gengur. Eins er það með vefsíðuna mina hún vill ekki út á vefinn. Jæja kannski er þetta bara byrjendaklaufaskapur það verður að koma í ljós.

2003-08-30T16:57:00.000Z

Samskiptakerfi-spjallkerfi.

2003-08-30T15:26:00.000Z

MÃ¡lefnin.com er vefur þar sem hægt er að lesa um hina ýmsu flokka t.d. listir, tölvur, trúmál og vísindi. Eitt fannst mér gott og það er fólki er ráðlagt að nota ekki tölvur þar sem margir notendur eru. Einn flokk fannst mér vanta og það er undir hitamál dagsins í dag í þjóðfélaginu en hann gæti alveg flokkast undir flokkin gestapistlar. Þetta er um margt fróðlegur vefur, en þú getur ekki verið á beinu spjalli við fólk og haft við það skoðanaskipti. Einkamál.is er vefur þar sem þú getur kynnst fólki og verið á beinu spjalli við það, mér heyrist að hann sé einkum þekktur fyrir að vera stefnumótavefur. Ég komst ekki inn á hann svo ég skoðaði hann ekki en þekki fólk sem hefur verið á spjalli á honum. Friendster.com er vefur eins og Einkamál.is þar sem þú getur verið í beinum samskiptum við annað fólk og eins og þeir segja sjálfir á forsíðunni sinni "farið á stefnumót, kynnið vini ykkar fyrir öðru fólki og komið þeim á stefnumót, eignast nýja vini og fl." Á tækniveröld eins og við lifum á eru þessi samskipti örugglega miklu algengari en við gerum okkur grein fyrir. Mér finnst reyndar að vefur eins og Einkamál.is oft hafa fengið frekar neikvæða umfjöllun. En það er nú einu sinni þannig að maður fær nú bara að heyra neikvæðu hliðarnar og við erum oft fljót að gagnrýna út frá þeim. Þessir vefir eru að mínu mati komnir til að vera og ég held að oft á tíðum sé þetta einu samskiptin sem sumir hafa við þá sem eru ekki nákomnir þeim.

2003-08-30T13:40:00.000Z

Kynning á nemanda.

2003-08-30T13:35:00.000Z

Ég heiti Elín Guðfinna Thorarensen. Ég er fædd í Reykjavík 23 mars 1956. Foreldrar mínir heita Eiríkur Thorarensen og María Magnúsdóttir. Ég á tvær dætur, sú eldri heitir María Helen Eiðsdóttir og er nemandi við KHÍ og sú yngri heitir Sigurrós Eiðsdóttir og er nemandi við Háskóla Íslands. Ég á líka 3 ára barnabarn sem heitir Elfa Dís og hægt er að lesa allt um hana á heimasíðunni hennar Barnaland Ég er leikskólakennari og hef lengstum unnið hjá Leikskólum Reykjavíkur. S.l. þrjá vetur hef é kennt fyrsta bekk í Korpuskóla í Reykjavík. Í vetur þá er ég að kenna stærðfræði í 6 bekk og 8 bekk ásamt því að sjá um námsverið. ÉG er í fjarnámi við KHÍ og í vetur eru námsfögin stærðfræðinemandinn, þekkingarsamfélagið og upplýsingatækni og skólastarf. Einnig starfa ég hjá Svæðisskrifsstofu Reykjavíkur aðra hverja helgi á næturvöktum, nánar tiltekið Skammtímavistun Hólabergi en það er skammtímavistun fyrir einhverf börn.

Hrefnuveiðar

2003-08-18T15:18:00.000Z

Alveg er þetta ótrúlegt. Þegar íslendingar hefja hrefnuveiðar þá verður allt vitlaust hjá náttúruverndarmönnum. Það er eins og þeir leggji íslendinga í einelti vegna þess að ekki verður maður var við að þeir séu að gera neitt í bandaríkjunum þar sem er verið að veiða mikið meira heldur en að íslendingar ætla að veiða í ár.Ekki eru Greenpeacemenn hrifnir af því.Hvað segja þeir hjá bbc.Upplýsingar um hvali Það eru mörg fyrirtæki sem hafa atvinnu af því að selja skoðunarferðir t.d.nordursigling

Æfing við tengingar.

2003-08-15T14:53:00.000Z

Friendster.com. Salvör var að tala um skemmtilegan vef sem hægt er að fara inn á og eignast nýja vini. Malefni .com er víst góður vefur líka. Einkamál.is er vefur sem ég hef heyrt að sé afar vinsæll.

fyrsti slóladagurinn.

2003-08-15T14:34:00.000Z

Í dag er fyrsti skóladagurinn í fjarnáminu og ég er ekki alveg kominn með heilann í fulla vinnu eftir heimkomuna frá Costa Rica. Alveg hefði ég verið til í að vera í fríi fram yfir helgi. Það er samt gott að vera kominn af stað og haust dagskráin kominn.

prófa þetta

2003-08-15T06:34:00.000Z

prófa kvæði